Christian Council of Tanzania (CCT)

CALL FOR JONT VENTURE INVESTMENT PROPOSALS -CLICK HERE TO APPLY

Kuhusu CCT

Jumuiya ya Kikristo Tanzania ambayo inajulikana kwa kifupi
kama CCT (Christian Council of Tanzania), ni Taasisi mwavuli inayowakilisha
Umoja wa Madhehebu ya Kikristo ya Kiprotes- tanti Tanzania. Kwa sasa CCT
inaundwa na Makanisa mbalimbali Wanachama na Vyama vya Kikristo au vyenye mwelekeo
wa kikanisa kutoka Tanzania Bara na Visiwani. Taasisi hii ilianzishwa rasmi
tarehe 23 Januari, 1934 kutokana na maono ya Wamisionari kutoka Kanisa
Anglikana, Kanisa la Moravian na Kanisa la Kiinjili la Kilutheri. Wamisionari
hawa walipata maono ya kujenga umoja kati ya makanisa wanachama ambao utajihusisha na masuala mbalimbali ya kiimani,
kimaendeleo na kijamii. Muungano huu ulijulikana kwa jina la Kiingereza, Tanganyika Missionary Council
(TMC).

Mnamo mwaka 1964 Mungu aliwapa maono watumishi wake Baba Askofu
Stephano Reuben Moshi (Kanisa la Kiinjili la Kilutheri Tanzania), Baba
Askofu Theofilo Kisanji (Kanisa la Moravian Tanzania) na Baba Askofu Mkuu John
Sepeku (Kanisa Anglikana Tanzania) kubadilisha usajili wa TMC kuwa Christian
Council of Tanzania (CCT), jina linalotumika hadi sasa. Idadi ya Makanisa
yaliyopo chini ya CCT imekuwa ikiongezeka kutoka Makanisa matatu (3) ya mwanzo
mwaka 1934 hadi kufikia makanisa ya Kiprotestanti kumi na mbili (12) yaliyopo
mwaka 2024

Dira ya CCT

Dhamira ya CCT

Tunu za CCT

Kuwa chombo cha Ki-ekumene cha Kikristo chenye kuleta maendeleo kamilifu na endelevu kwa ajili ya Ufalme wa Mungu.

Kudumisha umoja katika mwili wa Kristo na kuunganisha nguvu katika kutatua changamoto na kutumia fursa zilizopo kuleta maendeleo kamilifu na endelevu kwenye jamii.

Uwakili, Upendo na Huruma,Uwazi na Uwajibikaji, Umoja, Uaminifu na Uadilifu,Kuaminika na Uaminifu, Ubora na Taaluma, Kujitolea.

Mkutano Mkuu wa 32

Jumuiya ya kikristo Tanzania (CCT)

Umisheni na Uinjilisti

Mwenyekiti wa Jumuiya ya Kikristo Tanzania

Programu za Maendeleo na Utetezi

Wafanyakazi wa CCT walifanya kikao cha kimkakati na washirika wetu kutoka Bread for the World (BftW), Ujerumani.
Mkutano huo ulilenga kukagua maendeleo yaliyofikiwa katika Mradi wa Elimu ya Uraia na Mradi wa Utetezi wa Kanisa na Uwezeshaji Vijana. Majadiliano pia yalilenga katika kuimarisha ushirikiano wetu tunapojiandaa kwa awamu inayofuata ya mipango hii yenye matokeo.”