MISSION AND EVANGELISM
Kongamano la maombi la wa wanawake CCT Kitaifa 20 Nov 2024 MWTC
Mwenyekiti wa CCT Mkoa wa Morogoro Baba Askofu Jacob Mameo amefungua Kongamano la maombi la wa wanawake CCT Kitaifa,Kongamano hilo linafanyika katika kituo cha mafunzo ya wanawake Morogoro na kuhudhuriwa na wanawake kutoka kutoka mikoa mbalimbali ya Tanzania. Kongamano hilo limetanguliwa na maandamano yaliyofanyika kutokea eneo la posta mpaka kituo cha mafunzo ya wanawake MWTC ,neno kuu la Kongamano ni kutoka katika kitabu cha Mithali 14:34a Haki huinua taifa
Katibu Mkuu na watumishi wa CCT wamtembelea Katibu Mkuu Mstaafu wa CCT Askofu Stanford Shauri
Mch.Canon.Dkt. Moses Matonya Katibu Mkuu wa Jumuiya Ya Kikristo Tanzania-CCT akiambatana na baadhi ya watumishi wa CCT wametembelea nyumbani kwa Katibu Mkuu Mstaafu wa CCT Askofu Stanford Shauri(1976-1988) Kimara Dar es salaam. Katibu Mkuu Mstaafu wa CCT aliweza kueleza mengi juu ya historia ya CCT ikiwa ni pamoja kuhama kwa makao makuu ya CCT Kutokea Dar es salaam kwenda Dodoma 1970s. Aidha Mtoto wa Katibu Mkuu Mstaafu Mr. Alex Shauri alieleza namna Baba yake alivyoweza kufanya kazi mbalimbali ndani ya CCT ikiwemo usimamizi wa majengo mbalimbali ya CCT likiwemo Jengo la CCT Church House zilipo ofisi za CCT Makao makuu kwa sasa. Katika hatua nyingine Katibu Mkuu Mstaafu amewashukuru sana viongozi wa CCT Kwa kumtembelea nyumbani kwake huku akikiri kuona upendo wa matendo kutoka ndani ya CCT. Pia ameendelea kuhimiza umoja na mshikamano kati ya makanisa wanachama na vyama vishiriki vya CCT aidha amepongeza kazi kubwa ya uwekezaji wa vitega uchumi inayoendelea kufanywa na CCT
SIKU YA MAOMBI YA DUNIA NENO KUU
CCT YAUNGANA NA WAKRISTO WOTE DUNIANI KUADHIMISHA SIKU YA MAOMBI YA DUNIA NENO KUU ‘’Vumilianeni kwa upendo…..’ WAEFESO 4:1-7 Ibada imeandaliwa na kamati ya WDP ya Palestina machi 1, 2024 Ibada inatuita kuvumiliana kwa upendo, licha ya shida na dhuluma zote. Liturujia iliandikwa na kikundi cha wanawake wa Kikristo wa Kipalestina wa kiekumene kwa kuitikia kifungu cha Waefeso 4:1-7. Tulitafakari kwa pamoja mada hii kutoka kwa madaktari wa mateso yetu kama wanawake wa Kikristo wa Palestina. Tunatumaini kuwatia moyo wanawake wengine ulimwenguni kote kuvumiliana kwa upendo wakati wa shida. Picha ni ibada katika kanisa la Anglikana Pareshi ya Mlimwa ambapo wanawake toka Makanisa mbalimbali yaliyoko Dodoma wameshiriki.
CCT YAKABIDHI VITU VYA THAMAN ZAIDI YA MILIONI 50 KWA WAATHIRIKA WA MVUA ZA TOPE HANANG MANYARA
Makamu wa kwanza wa Mwenyekiti Jumuiya ya Kikristo Tanzania CCT, Baba Askofu Stanley Hotay( Kanisa Anglikana Dayosisi ya Mount Kilimanjaro) akiambatana na Katibu Mkuu wa CCT Mch.Canon.Dkt Moses Matonya pamoja na baadhi ya Viongozi wa CCT Mikoa na Wilaya wamekabidhi Rasmi Mahitaji muhimu ya waathirika wa mafuriko Kwa uongozi wa Serikali ya wilaya ya Hanang ,Mkoani Manyara. Mahitaji hayo muhimu yenye thamani ya zaidi ya Shilingi milioni hamsini (50)vikiwemo simenti,mabati,nguo na vyakula vimekusanywa kupitia CCT mikoa na wadau mbalimbali wa CCT. Akikabidhi mahitaji hayo baba Askofu Stanley Hotay ameishukuru mikoa ya CCT ,wadau mbalimbali na watumishi wa CCT waliotoa mahitaji hayo kwa ajili ya waathirika wa mafuriko pia amesisitiza uongozi wa Serikali kuhakikisha mahitaji hayo yanawafikia walengwa kwa uaminifu kama ilivyolengwa Akipokea mahitaji hayo Mhe. Janeth Mayanja Mkuu wa Wilaya ya Hanang amewashukuru viongozi wa CCT kwa namna walivoshirikiana na serikali tangu mafuriko yalipotokea ,haswa amewapongeza viongozi wa CCT wilaya ya Hanang kwa namna wanavoshirikiana katika mambo mbalimbali kwenye wilaya hiyo,pia ameahidi vitu vyote vilivyotolewa vitawafikia walengwa kwa uaminifu. Katika hatua nyingine Mhe. Janeth Sanya ameipongeza CCT kwa kuendelea kutekeleza Miradi mbalimbali na kutoa elimu ya saikolojia kwa waathirika wa mafuriko na ameahidi kutoa ushirikiano wa kutosha katika Miradi na kazi zote za kusaidia jamii zitakazokua zikiendelea wilayani, Hanang.
Ibada ya Jumapili katika Kanisa la Jeshi la wokovu Dodoma
Watumishi wa CCT Makao Makuu waliposhiriki Ibada ya Jumapili katika Kanisa la Jeshi la wokovu Dodoma. Katika ibada hiyo pia ilifanyika harambee fupi ya kuchangia ujenzi wa Kanisa unaoendelea, Captain James Ndera wa kanisa hilo ameushukuru uongozi wa CCT kwa kushirikiana pamoja katika ibada hiyo.
USIOGOPE KUANZA UPYA UNAPOKUTANA NA MAGUMU
Leo CCT Dodoma tumetembelewa na kupata huduma ya neno la Mungu (Ibada ya asubuhi) kutoka kwa Captain James Ndera wa Kanisa la Jeshi la Wokovu Jijini Dodoma. Katika ibada hiyo aliambatana na watumishi wa kanisa hilo akiwemo Capt: Prista Ndera Yapo magumu unayokutana nayo katika maisha yako , Mungu anataka uanze upya kupitia magumu hayo. USIOGOPE KUANZA UPYA UNAPOKUTANA NA MAGUMU Isaya 43:18-19 Kutoka 4:1,10-13
Mkutano wa 57 wa Halmashauri Kuu ya CCT 5-6 JUNI 2023
Mkutano wa 57 wa Halmashauri Kuu ya CCT ambao unafanyika katika ukumbi wa Kituo cha Mafunzo ya Wanawake Morogoro CCT – MWTC Mkutano umehudhuriwa na Wakuu wa Makanisa 12 wanachama wa CCT, Vyama shirikishi 12, Maaskofu kutoka Dayosisi/Jimbo chini ya Makanisa wanachama wa CCT, wadau mbalimbali kama UNICEF, TIP, NCA , Shirika la Haki za binadamu ( LHRC) na Idara ya Kilimo ya Chuo kikuu cha Kilimo cha Sokoine(SUGECO) Neno Kuu: "Kuujenga Umoja wa Kanisa katika msingi wa Yesu Kristo -1Kor 3: 10 -12 Mkutano utaendelea tena kesho kwa agenda mbalimbali
IBADA YA UKWATA TAIFA JUNE 2023
Picha ya pamoja katika ibada ya kufunga Mkutano Mkuu wa 57 UKWATA TAIFA Jijini Mbeya Juni 2023. Ibada Ilioongozwa na Baba Askofu Nguvumali wa Kanisa la Moravian jimbo la Rukwa.
Ibada ya siku ya CCT (CCT DAY) Kitaifa Mei 28
Ibada ya Siku ya CCT(CCT DAY ) kitaifa mjini Moshi Mkoani Kilimanjaro Tar 28 Mei 2023 Katika Kanisa Kuu la KKKT. Ibada ilihudhuriwa na Maaskofu toka Makanisa wanachama CCT na Viongozi wa Vyama shirikishi. Katika ibada hiyo mgeni rasmi alikuwa Waziri wa Fedha na Mipango, Mhe. Dk Mwigulu Nchemba ambaye alipokea ombi la CCT na kuahidi kushughulikia suala la Kodi zinazotozwa Taasisi za Dini zinapoisaidia SERIKALI kutoa huduma za Afya na Elimu na ununuzi wa vitambaa Kwa wanawake wakati wa hedhi. Amekumbusha pia kwamba maombi hayo yalikwishatolewa maelekezo na Mh. Rais hivyo wakati wa hitimisho la bajeti ya Serikali yatatolewa ufafanuzi.
ibada ya jumapili katika Kanisa la KKKT Usharika wa Kisas
ibada ya jumapili leo tar 16 Aprili 2023 katika Kanisa la KKKT Usharika wa Kisasa. Ibada imehudhuriwa na watumishi wa CCT. Katika ibada ya Leo Mhubiri alikuwa Katibu Mkuu CCT Rev Canon Dkt. Moses Matonya. Baada ya Kristo Kufufuka, tunashinda na zaidi ya kushinda
Mkutano Mkuu wa 10 wa CCT-USCF Taifa
Picha ya pamoja baada ya Mkutano Mkuu wa 10 wa CCT-USCF Taifa ambao ulianza tarehe 6 na kuhitimishwa tare 9 Aprili 2023 Mkoani Morogoro. Mkutano huo uliwahusisha vijana zaidi ya elfu moja kutoka vyuo mbalimbali Tanzania. Baadhi ya washiriki katika picha ni Katibu Mkuu wa CCT Mchg Canon Dkt Moses Matonya, Askofu Mlezi wa USCF TAIFA Mchg. Kenani Panja, Mratibu wa USCF TAIFA Mchg. David Kalinga, Walezi wa USCF matawi na viongozi wastaafu wa kamati kuu ya CCT-USCF Taifa.
Maadhimisho ya siku ya maombi ya wanawake duniani
Hivi ndivyo wanawake kutoka Makanisa wanachama CCT jijini Dodoma walivyoshiriki maadhimisho ya siku ya maombi ya wanawake duniani tarehe 3 Machi 2023. Maadhimisho yaliambatana na maandamano ambayo yaianzia Kanisa Kuu la Anglikana. NENO KUU “NIMESIKIA KUHUSU IMANI YENU” WAEFESO 1:15
Ibada ya kumwekea mikono Mama askofu Esther Muhagachi kuwa Shemasi wa Kanisa
Ibada ya kumwekea mikono Mama askofu Esther Muhagachi kuwa Shemasi wa Kanisa Tar 22 Jan 2023. Tukio hili limefanyika katika Kanisa la Mennonite Tanzania, Rorya (Shirati) Mkoa wa Mara. Shemasi Esther Muhagachi ni mtumishi wa CCT akisimamia kitengo cha wanawake , watoto na jinsia. Katika tukio hili viongozi wa dini toka makanisa wanachama CCT wameshiriki akiwemo Katibu Mkuu wa CCT Mchg Canon Dkt Moses Matonya. Viongozi wengine walioshiriki ni kutoka Rwanda na Kenya.
Mkakati wa Ujenzi wa Nyumba ya Mchungaji
Katibu Mkuu Jumuiya ya Kikristo Tanzania Rev. Canon Dkt Moses Matonya akikagua maendeleo ya ujenzi wa nyumba ya Mchungaji kanisa la Anglikana Wilayani Kongwa. Katika hatua ziara hiyo Mchungaji ameshauri kuongezwa kwa jengo hilo. Ameshauri viongezwe vyumba viwili kwa ajili ya wageni ambapo amechangia kiasi cha shilingi laki moja na nusu kwa ajili ya ununuzi wa tofali.
Kikao cha Halmashauri Kuu ya CCT USCF TAIFA 2022
Kikao cha Halmashauri Kuu ya CCT USCF TAIFA kilifanyika 12 Nov 2022 katika ukumbi wa Chuo cha Ualimu Mtumba Jijini Dodoma Kupitia kikao hiki imekuwa ni nafasi ya kujua maendeleo ya kila tawi la USCF katika Vyuo vya Kati na Vyuo Vikuu. Pia imekuwa sehemu ya kuweka mikakati ya kuimarisha chombo hiki. Kikao hiki kimehudhuriwa na viongozi wa CCT akiwemo Mkurugenzi wa Utume na Uinjilisti Mchg David Kalinga, Wachungaji wa Chaplaincy, Viongozi wa USCF Taifa, Mikoa, Wilaya na Matawi mbalimbali.
Elimu ya kujikinga na magonjwa hatari ya mlipuko
Elimu ya kujikinga na magonjwa hatari ya mlipuko ikiwemo Ebola na Uviko 19. Hapa ni viongozi toka Makanisa ya Kikristo ndani ya Studio za Clouds FM wakieleza namna ambavyo tamasha hilo litatikisa Jiji. Tamasha hilo linaanza Saa nane mchana. Kwaya mbalimbali toka Makanisa yote ya Kikristo zitakuwepo, Usipange kukosa
Tamasha la Uimbaji DSM
Tamasha la Uimbaji katika ukumbi wa DPC DSM Leo tar 4 Disemba 2022. Tamasha limeambatana na maombi. Lengo la Tamasha ni kuendelea kuikumbusha jamii kuchukua tahadhari juu ya magonjwa ya mlipuko yanayoweza kutokea kama Ebola ambayo ipo nchi jirani. Mgeni rasmi katika Tamasha hilo alikuwa Askofu Nelsoni Kisare, ambaye ni Askofu Mkuu wa Kanisa la Mennonite Tanzania. Amesisitiza washiriki kuendelea kujinyenyekeza mbele za Mungu ili kukabiliana na magojwa haya. 2 Nyakati 7:14 Mkurugenzi wa Shirika la Tanzania Interfaith Parrtinership (TIP) Asina Shenduli, ameeleza malengo ya makuu ya kuendesha tamasha hili ambayo ni kuijengea jamii uelewa kupitia uimbaji juu ya kuchukua tahadhari dhidi ya ugonjwa wa Ebola na hamasisho la watu kuendelea kupata huduma ya Chanjo ya UVIKO-19.
Kongamano la Maombi na Kampeni ya Kupinga vitendo vya Ukatili wa Kijinsia
Mkuu wa Mkoa wa Dodoma Mhe. Rosemary Senyamule amezindua Kongamano la Maombi na Kampeni ya Kupinga vitendo vya Ukatili wa Kijinsia. Katika hotuba yake amepongeza jitihada zinazofanywa na CCT katika kupinga vitendo vya ukatili wa Kijinsia Amesema CCT imeunga mkono Serikali katika kutokomeza vitendo vya ukatili wa kijinsia. Takwimu Kwa dodoma Kwa mwaka 2021 zinaonesha watu 3696 walifanyiwa ukatili wa kimwili, kingono na hisia. Kwa mwaka 2022 miezi mitatu julai hadi septemba jumla ya watoto 274 walifanyiwa vitendo vya ukatili wa Kijinsia wengi wao wakiwa watoto wa kike. changamoto ambazo tusaidieane kuzishughulikia ni maadili ya watoto na vijana hata wazazi wenyewe, utoro wa watoto shuleni, ndoa za utotoni. mimba kwa wanafunzi, ufaulu mdogo. Tunatamani kuona watanzania wenye furaha amani na upendo. mtu anayefanyiwa ukatili hawezi kuwa na hayo. Mimi na wewe tunapaswa kusaidiana katika kuielimisha jamii katika kupinga vitendo vya ukatili wa Kijinsia. Amewaomba viongozi wa dini kuongeza mafundisho ya maadili katika vipindi vya dini shuleni, na hata katika Makanisa. Kongamano hilo limeandaliwa na Umoja wa Wanawake CCT na kuhudhuriwa na Maaskofu na Wanawake zaidi ya 300 kutoka makanisa 12 wanachama wa CCT toka Mikoa ya Tanzania.
Kongamano la Maombi ya Kitaifa
Mkuu wa Mkoa wa Dodoma Mhe. Rosemary Senyamule amezindua Kongamano la Maombi na Kampeni ya Kupinga vitendo vya Ukatili wa Kijinsia. Takwimu Kwa dodoma Kwa mwaka 2021 zinaonesha watu 3696 walifanyiwa ukatili wa kimwili, kingono na hisia. Kwa mwaka 2022 miezi mitatu julai hadi septemba jumla ya watoto 274 walifanyiwa vitendo vya ukatili wa Kijinsia wengi wao wakiwa watoto wa kike. changamoto ambazo tusaidieane kuzishughulikia ni maadili ya watoto na vijana hata wazazi wenyewe, utoro wa watoto shuleni, ndoa za utotoni. mimba kwa wanafunzi, ufaulu mdogo. Tunatamani kuona watanzania wenye furaha amani na upendo. mtu anayefanyiwa ukatili hawezi kuwa na hayo. Mimi na wewe tunapaswa kusaidiana katika kuielimisha jamii katika kupinga vitendo vya ukatili wa Kijinsia. Amewaomba viongozi wa dini kuongeza mafundisho ya maadili katika vipindi vya dini shuleni, na hata katika Makanisa. Kongamano hilo limeandaliwa na Umoja wa Wanawake CCT na kuhudhuriwa na Maaskofu na Wanawake zaidi ya 300 kutoka makanisa 12 wanachama wa CCT toka Mikoa ya Tanzania.
Ibada ya kumwekwa wakfu na kumsimika Askofu Mchg. Dkt. Syprian Yohana Hintili
Ibada ya kumwekwa wakfu na kumsimika Askofu Mchg. Dkt. Syprian Yohana Hintili na kumsimika msaidizi wa Askofu Dkt. Zephania Shila Nkesela, Tarehe 30 Oktoba, 2022. Ibada hiyo imefanyika katika kanisa kuu la Uaskofu Imanuel KKKT Singida siku ya Leo ambayo pia ni siku ya maadhimisho ya Matengenezo ya kanisa. Katibu mkuu wa CCT Mchg. Canon Dr. Moses Matonya akiongozana na watumishi wachache kutoka CCT walihudhuria ibada hiyo.
Who do people say I am?
Message: Who do people say I am? How are you recognized as a Christian in society? Are you recognized as God's advocate? Or are you recognized as good when you are only in the Church?. It is important to live well with people because that is the first worship, to have sincere love. Remember good worship starts at home and in the community where you live as a whole. You may be walking down the street and people know you better than you think, for better or for worse. What do people say to you when you walk down the street? Mark 8:27-29 "27. Jesus went out with his disciples, they went to the villages of Caesarea-Philippi; and on the way he asked his disciples and said, Who do people say that I am? 28. They answered him, John the Baptist; others, Elijah; others, One of the prophets. 29. And he asked them, And who do you say that I am? Peter answered and said to him, You are the Christ
Ibada ya kuwekwa wakfu Baba Askofu Jackson Mushendwa
Ibada ya kuwekwa wakfu Baba Askofu Jackson Mushendwa na uzinduzi wa Dayosisi mpya ya KKKT Dayosisi na Magharibi (Kigoma) leo tar 09.10.2022. Katibu Mkuu wa CCT Mchg. Canon Dkt. Moses Matonya ameshiriki Ibada hii.
Katibu Mkuu CCT ashiriki Mkutano wa Wachungaji wote wa KKKT-DODOMA
Katibu Mkuu CCT ashiriki Mkutano wa Wachungaji wote wa KKKT-DODOMA Mkutano wa tano (5) wa Wachungaji wote wa Kanisa la Kiinjili la Kilutheri Tanzania unaendelea hapa katika ukumbi wa Chuo Kikuu Dodoma (UDOM) Jijini Dodoma. Mkutano ulianza tar 10 Septemba na utahitimishwa tar 15 Septemba 2022, ambapo zaidi ya wachungaji elfu mbili wameweza kusiriki. Katika Mkutano huu Katibu Mkuu wa Jumuitya ya Kikristo Tanzania Mchg. Dkt. Canon Moses Matonya leo tar 13 ametoa pongezi la washiriki kuitikia vizuri mkutano huo. Ambapo pia amewashukuru kwa kuwa KKKT ni Kanisa lenye mchango mkubwa katika kuinarisha umoja wa CCT. Pia amewashukuru kwa kuwa ni moja ya wachungaji wengi wanajitajidi sana kutoa elimu ya kiroho kwa watoto walioko shuleni kupita UKWATA na kwa wanafunzi walioko Vyuoni(USCF). Katibu Mkuu ameeleza kuwa miongini mwa vyanzo vya mapato katika kuimarusha CCT ni sadaka ya CCT Day na michango ya Uanachama, kanisa la KKKT limekuwa mfano mzuri katika kutekeleza hayo. Amewaomba wachungaji kuendelea kuimarisha Upendo wa Yesu Kristo, kwa kuwa tukiwa na Upendo, migogoro kwa Makanisa au familia na sehemu nyingine yoyote haitaweza kutokea. Ametoa wito tuendeleza kuimarisha umoja wetu wa CCT, kwa kuwa tukiwa wamoja tutakuwa na sauti ya pamoja. Ili kuimarisha hili tumeunda uongozi wa CCT Mikoani, hivyo tuutumie uongozi huo katika kuinarisha umoja wetu. Pia amesisitiza washiriki kuzifanya kazi zote kwa pamoja hasa katika kutoa elimu mashuleni na vyuoni ili kila shule au kila darasa liwe na mwalimu wa kiroho. Amehimiza wachungaji kushiriki kikamilifu siku ya CCT Day ili kuimarisha Zaidi chombo hiki. Ujumbe wakati wa Mkutano huu “Lichungeni Kundi la Mungu….” 1Petro 5:2
Kikao cha Viongozi wa Vijana kutoka katika makanisa wanachama CCT Jiji la Dodoma
Kikao cha Viongozi wa Vijana kutoka katika makanisa wanachama CCT Jiji la Dodoma wamekutana leo tar 27/8/2022 katika Kanisa Kuu la Anglikana. Moja ya Mpango wa kuwakutanisha vijana hawa ni kuongeza ushirikiano na mshikamano , kutengeneza fulsa kupitia makongamano na semina za ujasiliamali. Kikao hiki ni mkakati wa kuunganisha vijana toka makanisa wanachama CCT, Kila mmoja asiachwe nyuma. Kila Mkoa utawekewa utaratibu wa kuwa na uongozi wa Vijana, pia kila wilaya. Hii yote ni kuimarisha umoja miongoni mwa vijana wa makanisa wanachama. Katika kikao hiki viongozi wa vijana kwa mkoa wa Dodoma wameweza kuchaguliwa kama ifuatavyo Mwenyekiti Issack Yohana kutoka Kanisa Kuu la Angalikana , Makamu mwenyekiti Pendo Malonja kutoka kanisa la AICT ipagala, Katibu Simoni Mbwaga kutoka kanisa la Moravian Iringa road, Katibu Msaidizi Glory Phocus kutoka Kanisa la Mennonite Iringa road, Mhazini Bosco Luitiko kutoka kanisa la Moravian Iringa Road. Kikao kimeongozwa na CCT kupitia Idara ya Umisheni na Uinjilisti chini ya Mchg. David Kalinga
Ibada ya Mkutano Mkuu wa 56 wa UKWATA Taifa
Ibada ya Mkutano Mkuu wa 56 wa UKWATA Taifa imemalizika Leo Tar 7 Agosti 2022 katika shule ya Martin Luther Jijini Dodoma . Katika mahubiri Askofu Charles Mjema amesisitiza waumini kumjua Mungu na kutembea naye na sio kuishia kumjua tu. Katika ibada hiyo viongozi wapya wa UKWATA Taifa kwa kipindi cha mwaka mmoja(2022/2023) wamechaguliwa, ambapo Raisi wa UKWATA Taifa ni Onesmo wa kulia. Mkutano umeahirishwa na Katibu Mkuu wa Jumuiya ya Kikristo Tanzania Mchg Can Dkt.Moses Matonya. Neno Isaya 55:8 "....Maana mawazo yangu simawazo yenu, wala njia zenu si njia zangu; asema Bwana..."
Ibada ya USCF leo katika Chuo Cha Afya - DECOHAS
Ibada ya USCF leo katika Chuo Cha Afya - DECCA College of Health and Allied Sciences(DECOHAS) kata ya Nala Jijini Dodoma . Ibada imehudhuriwa na watumishi wa Jumuiya ya Kikristo Tanzania
Ibada maalumu kwa ajili ya siku ya wajane kikanisa Duniani Tar 19 Juni 2022
Ibada maalumu kwa ajili ya siku ya wajane na wagane kikanisa Duniani. Ibada imefanyika kuanzia saa nane mchana katika kanisa la KKKT Jijini Dodoma. Mgeni rasmi akiwa ni Askofu kutoka Kanisa la Baptist Dodoma Emanuel Mwakandulu. Wageni wengine ni mwenyekiti wa CCT Mkoa wa Dodoma Askofu wa KMT Joseph Mtolela . Ujumbe Baba wa yatima na mwamuzi wa wajane, Mungu katika kao lake takatifu Zab 68:5
Maadhimisho ya CCT DAY Kitaifa Tar 29 Mei 2022
Maadhimisho ya CCT DAY ambapo Kitaifa Ibada yamefanyika KKKT Usharika wa Moshi Mjini Tar 29 Mei 222. Mwenyeji ni Mwenyekiti wa CCT Taifa Baba Askofu Dkt. Fredrick Shoo
Uzinduzi wa maombi ya Kitaifa ( Tanzania National Prayer Breakfast)
Uzinduzi wa maombi ya Kitaifa ( Tanzania National Prayer Breakfast)ambayo yanafanyika hapa Dodoma Ukumbi wa Jakaya Kikwete Convention Center yamezinduliwa na na Waziri wa Nchi Ofisi ya Waziri Mkuu anayeshughulikia Kazi,Vijana,Ajira na Wenye Ulemavu Mhe. Prof. Joyce Ndalichako. Katika hotuba yake amepongeza waandaaji wa Kongamano hili kwamba linawajenga vijana kimaandili, kiimani na kuwafanya vijana kuwa wazalendo katika Taifa letu. Kabla ya kutangaza kufunguliwa Kwa Kongamano hilo Waziri alikariri maneno ya Mungu kama ifuatavyo: 1Yohana 2:14b Nimewaandikia ninyi, vijana, kwa sababu mna nguvu, na neno la Mungu linakaa ndani yenu, nanyi mmemshinda yule mwovu. Mithali 20:29(a) "Fahari ya vijana ni nguvu zao....." Kongamano limeandaliwa na ushirikiano wa Viongozi wa Kikristo nchini kutoka TEC,CCT,CPCT na SDA kupitia Kingdom Leadership Network Tanzania.
Ibada ya kuweka wakfu kiwanja cha Chaplaincy ya CCT katika Chuo Kikuu cha Dodoma
Ibada ya kuweka wakfu kiwanja cha Chaplaincy ya CCT katika Chuo Kikuu cha Dodoma (UDOM) imefanyika leo katika Mtaa wa Nghonghona UDOM ambapo ndipo Kanisa la Chuo Kikuu cha Dodoma litajengwa. Ibada hii imeongozwa na Mratibu wa Chaplaincies za CCT Mchg. David Kalinga mbaye ndie Mkurugenzi wa Utume na Uinjilisti CCT. Ibada hiyo imehudhuriwa na wanafunzi kutoka vitivo vyote katika chuo hicho ambao wako chini ya Makanisa wanchama CCT. Ujenzi wa chaple utaambatana na nyumba kwa ajili ya watumishi wa kuongoza Chaplaincy hiyo. Mwenyeji katika ibada hiyo alikuwa ni Mchg. Timothy Erasto Chimeledya ambaye ndie Chaplain wa UDOM
Ibada ya uzinduzi wa Chaplaincy tawi la CCT-USCF katika chuo Kikuu Cha elimu ya Biashara (CBE) Campus ya Dodoma.
Ibada ya uzinduzi wa Chaplaincy tawi la CCT-USCF katika chuo Kikuu Cha elimu ya Biashara (CBE) Campus ya Dodoma.
Mission & Evangelism
Mwenyekiti wa CCT Mkoa wa Morogoro Baba Askofu Jacob Mameo amefungua Kongamano la maombi la wa wanawake CCT Kitaifa,Kongamano hilo linafanyika katika kituo cha mafunzo ya wanawake Morogoro na kuhudhuriwa na wanawake kutoka kutoka mikoa mbalimbali ya Tanzania. Kongamano hilo limetanguliwa na maandamano yaliyofanyika kutokea eneo la posta mpaka kituo cha mafunzo ya wanawake MWTC ,neno kuu la Kongamano ni kutoka katika kitabu cha Mithali 14:34a Haki huinua taifa